X
تبلیغات
رایتل

بـــَــلـوچـی دُ گـنـیــا BALUCHI DUNYA

کد جست و جوی گوگل

مئے نبیسئگءِ رھبند بے رھبند

 

 

مئے نبیسئگءِ رھبند بے رھبند ۔ ۔

 

مئے نبیسئگ ءِرھبند پھک بے رھبند اِنت، پرچی  

 

کہ ماں بلوچی ءَ دری زبانانی گوں کپتگیں لبزاں ما  

 

ھما زبانانی رھبندءَ نبیس اِیں کہ اِے گال پہ  

 

بلوچیءَ سک رد بنت بزاں بلوچیءِ وتی رھبندءَ  

 

نہ  

 

بنت نی مئے بے رھبندیاں چے یکے ھمیش اِنت  

 

کہ ما اُردو سندی ھندی پارسیءُ تازی لبزاں ماں  

 

ھمے زبانی رھبندءَ نبیس اِیں ءُ دومی اِیش اِنت  

 

کہ  

 

ما بلوچی ءِ وتی زگریں گالاں ھوں ” تازی  

 

”عربی  

 

“ جوڑ کن اِیں ، اِے شریں کارءَ ما چتور کن اِیں  

 

اے گپّءَ من رندءَ کناں ، بلے اِدءَ من  

 

اُردو،سندیءِ  

 

ھما لبزاں کاراں کہ گوں بلوچیءَ گوں کپتگ  

 

اَنتءُ  

ما ھما ھاں (لبزاں ،گالاں) ھوں اُردوءُسندی  

 

رھبندءَ  

 

نبیس اِیں من پہ دروری اِدءَ چزے لبزانی پدّریءَ  

 

کن آں کہ اِے ماں بلوچی نبیسراہءَ نہ اَنت ۔ منی  

 

دیمءَ لھتے اَنچیں گال” لبز “ ترّاگءَ اِنت اِے  

 

لبزاں  

 

ما ں پیسری لبز یا گال ” رکّینگ یا رکّگ “ اِنت  

 

اِیشیءَ ماں اُردوءَ ” بچانا “ گُش اَنت ، باز مردم  

 

اِیشیءِ نبیسگءَ سک رَدی کن اَنت کہ ” رکّینگ “  

” رکّگ “ ءَ اُردُوءِ تھرءَ ” رکّھگ “ ” رکّھینگ “  

نبیس اَنت ، گڑا بے شک ” رکّھگ “ ” رکّھینگ “  

پہ بلوچیءَ سک رد اَنت ءُ بلوچیءِ رھبند نہ اِنت  

 

بلکیں بلوچیءِ رھبند ءُ بلوچیءِ تھءَ نبیسگءِ تھر ”  

رکّگ“ ” رکّینگ “ اِنت نی منی گوں ندکاراں  

 

دسبندی اِنت کہ آ ” رکّینگ “ ”

 

 

رکّگ “ ” بہ رکّ “ بہ نبیس اَنت ۔

 

دومی لبز( لک بزاں سدھزار 

 

 

 ) 

 

 

 

 

 

لک “ اُردُو گال ” لاکھ “ ءِ پرشتگیں رنگ اِنت ۔ 

 

بلوچیءِ تھءَ ” لک “ نبیسئگ راستیں رھبند اِنت  

 

پرچی کہ نمیرانیں  

 

سیدظھورشاہ ھاشمیءَ گوْشتگ ”کھ “ جھ “ تھ “ءُ آ  

دیگے باز“ گوں ھوریں  

 

رنگءَ بلوچی نہ اَنت ۔ 

 

نی گپّ اِیش اِنت کہ باز نبیسکار ءُ لچّہ کار ھمے  

گال ” لک “ءَ اُردُوءِ تھرءَ 

 

 ” 

 

  

 

 

لکھ“ نبیس اِیت کہ پھک رد اِنت ءُ بلوچیءِ رھبند  

نہ اِنت بزاں ” لکھ“ءَ ”  

 

لک “ بہ نبیس اَنت گڑا بلوچی رھبند بیت۔  

 

منی گوں اِیشاں دزبندی اِنت کہ آ اِے وڑیں بے  

 

رھبندیاں مہ کپ اَنت کہ  

 

ندکاری اِش پہ تاھاپاں کپ اِیت ۔ 

 

او ندکار ! تو بہ جیڑ وتی سنچ ءُ سسّاءَ کاربند کہ  

تو بلوچی نبیسگءِ رھبندءَ 

 

  

را ”سندی ” ھندی “ ءُ اُردو تھر مہ بر

!

تو ” جیڑ “ ردیں ” جھیڑ“ کتگ تو زاناں رد جیڑ اِتگ ؟ تو نی شر بہ جیڑ  

 

کہ ” جھیڑ “ ھندی اُردو تھرے کہ پہ بلوچیءَ سک سک رد اِنت ۔۔۔۔

 

دیگے یک لبزے ” سمبال “ اِنت اِے اُردو ھندی ءِ ” سمبھال“ اِنت کہ اِے پہ  

بلوچیءَ ” سمبال“ جوڑ بوتگ ءُ نی اِے لبز لسّ بلوچءِ دپءَ اِنت کہ ھچ پیم  

درکنگ نہ بیت ،پرچی کہ اِیشیءَ وتی ھنڈال ماں بلوچیءِ تھءَ سک دُور رہ  

داتگ اَنت اِے بوتگ وَ بوتگ بلے شر ! گپّ اِیش اِنت کہ مئے ندکار اِیشیءَ  

ھوں رد ءُ ماں بلوچیءِ رھبندءَ چے ڈنّ نبیس اَنت ، مئے شرءُ سرپدیں ندکار  

 

اِیشیءَ اُردوءِ تھر ءُ رھبندءَ نبیس اَنت بزاں ندکار اِیشیءَ ” سمبال“ءَ ”سمبھال“  

نبیس اَنت کہ پھک اُردو تھرءَ بیت ءُ پہ بلوچیءِ واستا رد بیت ، منی گوں  

 

ندکاراں دزبندی اِیش اِنت کہ آ اِیشیءَ بزاں اُردوءِ ”سمبھال“ ءَ را ماں بلوچی  

 

رھبندءَ ” سمبال “ بہ نبیس اَنت ۔ دومی اِیش اِنت کہ اِیشیءِ وتی بلوچی  

 

بدل ” پھریز“ ھم اَست کہ چہ ” سمبال“ شرتر اِنت اگاں ”سمبال“ءِ جاہ ”  

 

پھریز “ کاربندگ بہ گڑا باز جوان اِنت شرتر اِنت ۔ یک لبز ئیت ” چھاپ “  

اِے ھوں ھمے وڑءَ ” چھاپ “ نبیسگ ءَ ینت کہ سک رد اِنت اِے بائد ”  

 

چاپ “ نبیسگ بہ بیت کہ راستیں رھبند اِنت ، اِے ” چاپ “ ءَ پارسی ءَ  

 

ھم ” چاپ “ نبیس اَنت ، گپّے یات بدار اِت کہ دستءِ ” چاپ “ نہ اِنت  

 

بلکیں اِے وانگیءِ” چاپ “ کنگءَ گوْشنت ۔ ” بنگ “ اِیشیءَ باز ندکارءُ  

 

زانتکار اُردوءِ رھبندءَ ” بھنگ “ نبیس اِیت کہ سک رد اِنت ،اِے بائد  

 

بلوچیءِ رھبندءَ ” بنگ “ نبیسگ بہ بیت ۔

 

اِے وڑیں لبز بلوچیءِ تھءَ دیگے ھم است اِنت بلے ھمینچو لبز پہ سرپدی بازءُ  

بس اِنت ھر کس بہ لوٹ اِیت گڑا آ چہ ھمیش آں پؤہ ءُ سرپد بیت کنت 

 

  

،

 

نی من نبشتانکءَ دومی گپّءِ نیمگءَ براں آ گپّ اِیش اِنت ھنچوش کہ من  

 

بُرزءَ گوْشتگ اَت کہ ندکار بلوچیءِ زگریں لبزاں ” گالاں “ تازی ” عربی “ 

 

جوڑ کنت اَنت آ چتور ؟ نمیرانیں واجہ باباے بلوچی سیدظھُورشاہ ھاشمیءُ آ  

دیگے لھتے زانتکارانءَ پہ بلوچیءَ یک رھبندے نبیسراہے ءُ پرآئیءَ آبینک اِش  

 

جوڑ کرت ۔ نی آ ، آبینکاں ھرکس زانت کہ کجام اَنت چی اَنت ءُ چتور اَنت ؟

 

ءُ اِے گپّءَ ھوں ھرکس زانت کہ اِے آبانی تھءَ تازی بزاں عربیءِ آب ، ، ث ،  

ح، خ ، ذ ، ص ، ض، ط ، ظ ، ع ، غ ، ف ، ق ،“ نیست اَنت ، نی  

 

گپّ اِیش اِنت کہ مئے زانتکارءُ ندکار اِے آباں پہ عربی لبزانی ءَ زیر اَنت شر  

 

اِنتءُ شر نہ اِنت ، پرچی کہ لھتے زانتکار گوْشیت کہ شر اِنت ءُ لھتے گوْشیت  

کہ شر نہ اِنت ، اِے دیگے گپّ ئیت ، منی بُن گپّ اِیش اِنت کہ پہ بلوچی  

 

لبزانیگی اِے آبانی زیرگ شر نہ اِنت ، کہ لھتے ندکارءُزانتکار ھمے وڑءَ کنگءَ  

 

یئنت ءُ واجہ سید ظھور تُرس ھوں ھمے بوتگ ۔ 

مئے باز زانتکارءُ نہ زانتکار گوں نہ زانتکاری یا پہ زانت ءُ زور بلوچیءِ وتی  

 

زگریں لبزاں عربی تازی جوڑ کنگءَ ئینت ، شمارا سرپد کن آں کہ آ کجام  

 

عربی آبءَگیشتر پہ بلوچی لبزانیگی ( گالانی ) کاربندگءَ یئنت ءُ اِے  

 

زانتکارانی گیشتریں زانتکاری اِیش اِنت کہ اِے پہ عربی ءُ پارسی ءِ آب ” خ

ءِ واستا آب ” ح “ ءَ زیرگءَ ینت ، من شمارا لھتے درور اِدءَ پیش کن آں گڑا  

شما وت سرپد بئے اِت

آ بلوچی لبز اِیش اَنت کہ زانتکار عربی اِش جوڑ کن اَنت ۔ 

 

 درور اَنت : ” 

  

حدا ، تاحیر، حمّل ، آحت ، زحیر ، حون ، حاک ، حِشت ، حانی ، دوزح ،  

ناحُن ، حوک ، حِیک ، حان ، زحم ، حنجر ، رحت ، حاندان ، حانوادو ،  

حرچ ، حُرد ، حَر ، حرماگ ، ءُ دیگے باز ( اِیشانی بلوچی لبز ” ھدا ، تاھیر ،  

ھمّل ، آھت ، اتک ، زھیر ، ھون ، ھاک ، ھِشت ، ھانی ، دوزہ ، ناھن ،  

ناکُن ، ھُوک ، ھِیک ، ھان ، زھم ، رھت ، ھاندان ، ھانوادو ، ھرچ 

  

، 

  

 

ھنجر ، ھُرد ، ھَر ، ھُرماگ ) ءُ دیگے باز پارسیءُ بلوچیءِ لبز کہ آب ” ھ ءُ  

خ “مان اِنت اِش گوں عربی آب ” ح “ گوں نبیس اَنت اِش ۔ ( گپّے یات بہ  

دار اِت ، پارسیءِ ” خ “ بلوچیءِ ” ھ “ ک “ ” و “ بیت اِنت ) باز زانتکار 

  

عربیءِ ” خیال ، خاطرا ، ختم ، بے خیال ، خبیث ، خبر، خجالت ، خراب ،  

خُرجین ، خاص ، آخر “ ءُ دیگے باز اَنچیں لبزاناں گوں ” ح “ ءِ گوما چو  

 

نبیس اَنت ” حیال ، حاطرا ، حتم ، بے حیال ، حبر ، حجالت ، حبیث ،  

 

حراب ، حُرجین ، حاص ، آحر ، “ گڑا اِے رھبند پہ بلوچیءَ ھوں رد اِنت ،  

بائد اِنت کہ اِے وڑیں لبزءُ گال کہ چہ ” خ ءُ ح “ بنت آ پہ بلوچیگی ” ھ “  

 

یا ” ک “ ءَ گوں نبیسگ بہ بیت ۔ دومی لبز بلوچیءِ وتی نام ” کمبر “ اِنت  

کہ اِیشیءَ مئے زانتکار چتو وشیءَ گوں ” قمبر “ نبیس اَنت ، آ دیگے لھتے لبز ”  

کلات ، کدیم (پَسءُ گوکانی ورگ ) “” کولیگ “ زانتکار اِیشانءَ ” قلات ،  

قولیگ ، قدیم “ نبیس اَنت ، کہ سک رد اَنت پرچی کہ بلوچی آبانی تھءَ ”  

ق “ نیست اِنت ءُ اِے بلوچیءِ وتی زگریں گال ( لبز ) اَنت ۔

 

اگاں بلوچی زبانءِ رھبندءُ نبیسراہ ءَ بہ چاراِت سک باز تھرءَ اِنت ،ھمینچو  

 

سر اَنت ھمینچو تھر اَنت ، ھنچو کہ شما زان اِت کہ اِے پہ بلوچیءَ سک  

 

مزنیں تاوان ئیت بائد کہ ایوکءَ یک تیوگیں رھبندے زیرگ بہ بیت ، اے  

 

گپّ وَ پدّر اِنت ھما رھبند زیرگ بیت کنت کہ ھمائی سرءَ سک باز کار  

 

بوتگ ءُ آ رھبند شر کنگ بوتگ ، ما ءُ شما اِے گپّ شر سرپدءُ پو اِنت کہ ”  

سید سیاھگءِ “ سرءَ درساں چہ گیشتر کار بوتگ ءُ انگت بیگءَ اِنت ۔  

 

منی دلءَ گپّے چِست بیت کہ سید“ رھبند 99 درسد شر اِنت تھنا یک  

 

سدے کنفیوژنءِ توکءَ اِنت اِے شر کنگ بہ بنت گڑا سیدءِ رھبند سرجمیں  

راست بنت ، بچار اِت کہ اگاں یک رھبندے 99 درسد شر بہ بیت گڑا  

 

بائدیں ھما رھبند زیرگ بہ بیت ۔

 

بازیں زانتکار کہ سیدءِ رھبند ءَ سرپد نہ بنت ءُ اِیشائیءَ رد لیک اَنت منی  

 

گوں اِیشاں دزبندی اِنت کہ آ سیدءِرھبندءَ دوار شر بہ چار اَنت ءُ سرپد  

 

بیئگ ءِ کوسشت بہ کن اَنت ۔

 

اِے سرجمیں سوجاں پد من گُڈّا اِے گپّءَ گوْشاں کہ واجہ سیدظھورشاہ  

 

ھاشُمیءِ وانگی ” بلوچی سیاھگ راست نبیسگ “ ءَ را اَلم بوان اِت  

 

۔۔۔۔۔۔۔۔2011-07-19