باز مردم باز لوزاں سک رد نبیس اِیت کہ آ نبیس اَگءِ رھندءِ چیں
ڈنّ اَنت ۔
ھنچو کہ بلوچیءِ لبز “ ھم “ اِیشیءَ باز مردم “ اَم “ نبیس اِیت کہ
رد اِنت اے لبز “ ھم “ یا “ ھوں “ اِنت۔
اے باز لبزاں گوں ھور کیت انت ھوں باز مردم اِیشیءَ رد نبیس
اِنت کہ راستیں رھبندے نہ اِنت اِیشیءِ ھور نبیس اَگءِ ھوریں تھر
ایش اِنت۔
ھمجرات ۔ ھم جماعت ۔ ھمسرو ۔ ھمتوار ۔ ھمکس ۔ ھمپاد ۔ ھمنیاد
۔ ھمبراہ ۔ ھمک ۔ ھم جواب ۔ ھمرنگ ۔ ھمکار ۔
اِے سرجمینانی وستہ “ ھم “ نبیس اَگ یک راستیں راھے ۔
دیمترا “ سید “ ءِ رھبند ءُ مئے ھَندی بلوچی “ چی تفاوت ؟
زوت پیداگ اِنت
مانیت هبر مـئے !
گل خــــان نصیــــر
ما مانوں مه مانوں ماں جهان مانیت هبر مـئے
گرمائینــــــیت هوناں دل ءِ ، ورنـایـیـں اثـر مئے
بند انت ڈل ءِ سنگاں چه ، دو سـَـد چیده په یات ءَ
راهانی سرا ، بیتـــــــه اچ اوداں که گـُزر مئــے
چوں چونیــں جگر سندیں ازاباں چه ما گوئستــگ
دل زانت مــــــــڑاهداریں و یا سیاهیں جگر مئــــے
عشق ءَ وطن ءِ ، ما جتگ شرطاں سر و مال ءِ
ندر انت وتی آزاتــــــی ءَ په ، دولت و سـر مئــــے
هر چوں که ره ءَ آچ و سُرُپ ، هون به گوار انــــت
مئـے گام ءَ نکوشت انت و نکوشتیت سپر مئــے
زاننت شـه و سلطان که مئی وارتگ انت دستـاں
ما وت چو پلنــــــگا ؤں وکاب ءَ چو نـــظر مئــــے
لئیباں کتگ سهوریں پـڑ ءَ ما گوں سر و ساهــاں
هـَـڈ چَرتگ انت مردانی مدام تیگ و تبر مئــــــے
هونـــاں گوں وتــــی ، ما وطــــن ءَ ریجته کاؤں
سد وار چگین بیتگنت ، اے گٹ و گــــدر مئــــے
ما پروشتگ و گچ کچ کتــــگ و برته کشــــتگ
پئوجاں گوں بزیں آهتگ انت بدواه ستـر مئــــے
ما ، واجگـــوں ملک ءَ وتی کے را اے مجالنت
دیما مئــــے بداریت و بسگیــــت هتـر مئـــــــے
هـر دؤر ءِ کتـگ شاعـراں مئے ذکر و بیـــــــان ءَ
زیب انت نصیــــر ءَ گوں بلــــے ،گپ و هبر مئــــے
سینٹرل جیــل - کراچــی
۱۶ ـ اگــست۱۹۶۵
دســـتـــونــک
واهــگانــی گِــنـــدُک ءَ پـــه مــا کُــتــگ دنـیـا گــدار
روچ و شــپ هـم جـد و جـهــداں کُرتگاں په بامسار
آســـرات ءَ زنـــدمـــان ءِ کــس نـــرســتــگ نندگ ءَ
چــمّــگاں بُـرّ انــت چــه گَـٹـاں،چه بَز و شَتکین تلار
بیوسی ءِ گپ انت هوڈیں وَس کس ءِ جُهد ءِ بر انت
هــمــتــانــی واک سَد سَر ، مَــٹ کـنـت دنیـا هزار
زند ءِ رنگاں مردم ءِ دست ، شهر و ملکاں جُهـد ءِ بَر
شیر ءِ لاش ءَ کـَد نکرتگ ، نـے کدیں مُشکے شکار
جَــنّــت ءِ پُـلّـیـں نـیـاداں ، لـنـگـڑی ءِ سَـهــت رَپـت
هــمّــت ءِ هــم ساهگ ءَ مــا ، سر کتگ آسیں لوار
توشـگ ءِ کَــلّـیـگ و چادر ، چــمّ ءِ هِـردُک رتکگ انت
بــِلّ بـَٹــاکانی بـَـٹــال ءَ ،نــام چــیــا شــیـر و مَزار ؟
ساه ســـوچــیــں واجــهــانی چـے بکنت دنیا گِلـَگ
چــو نــزاننت دَؤر پــادار کَــد نــه بــیـت په هچ سوار
بال هــیــالانی به شــان و مـــنـــزلانــی راه ءَ پــول
نــے گَــتـــے که کــس مــراداں ، کد نرستگ چمدار
رنـــج کــش ءِ زانت که پُـلّیت ، درد ءَ بیت انجام هم
هــور بنت و یکّی ءَ گوں ، بُــرز کن انت آشوب ءِ جار
« تَـهـل » لـنـگـڑ و پاد شپاد ءِ زند ءِ تام ءَ کے بزانت
چــو که گار انت سار و راستی ، بیل بے زانت و تَوار
کریم بلوچ _ تَهل
19/08/10
سلام وبلاگ بسیار عالی دارید
همه مطالبتان هم بلوچیست البته من بلوچی مکرانی را خوب بلد نیستم
به وب سایت من سری بزنید خوشحال می شوم اگر نظرات زیبای شما را در وب سایت ببینم